17-август күнинен баслап барлық жәмийетлик транспортларға ҳәрекетлениўге рухсат етилди

ХҮРМЕТЛИ ПУҚАРАЛАР!

Халыққа қолайлық жаратыў мақсетинде 17-август күнинен баслап барлық жәмийетлик транспортларға ҳәрекетлениўге рухсат етилди.

Деген менен карантин талаплары тийкарында Орайлық базарға келиўши 48 жөнелис бойынша жүриўши 672 Дамас ҳәм Газзель автотранспортларының ақырғы бәндиргиси өзгертилди.

Яғный, базар стоянкасына кириўши барлык автотранспортлардың ақырғы бәндиргиси Гөне қала МПЖ (бурынғы Гөне қала), Балалар спорт комплекси (бурынғы Айдын жол) ҳәм ески арқа автовокзал етип белгиленди.

Орайлық базар стоянкасына автотранспортлардың кириўи қадаған етиледи.

Дамас автотранспортына 5, ал Газзелге 11 жолаўшы менен ҳәрекетлениў белгиленген.

Хүрметли транспорт басқарыўшылары!

Белгиленген карантин қағыйдалары тийкарында ҳәрекетлениўиңиз талап етиледи.

Карантин талапларына бойсынбаў хәкимшилик жуўапкершиликке себеп болады.

Қ Р Транспорт министрлиги мәлимлеме хызмети