Тахтакөпир районындағы 10-санлы улыўма билим бериў мектебинде “Пандемия дәўиринде улыўма орта билим бериў мектеплеринде жаңа оқыў жылына таярлық көриў ҳәм санитария-эпидемиологиялық талаплардың алып барылыўы” бойынша семинар-кеңес өткерилди.

Семинар жумысына район ҳәкиминиң орынбасары О.Генжемуратов, орта билим бериў мектеп директорлары, орынбасарлары, медицина бирлеспеси ҳәм санитария-эпидемиологиялық тынышлық орайы қәнигелери қатнасты.
Әлбетте, бул сапарғы оқыў жылы әдеттегидей өз ўақтында басланып атырған жоқ. Буның себеби ҳәммеге белгили. Жаңа оқыў жылы 14-сентябрьде басланады. Соның менен бирге балаларға түсиндирип баратуғын қағыйдалары бар. Яғный, оқыўшылардың санитариялық гигиена талапларына әмел етиўи, аралықты сақлаў, мектепке кириў ҳәм шығыў, тәнепис ўақтындағы ҳәрекетлениў қағыйдалары ҳаққында түсиндирилди.