Кегейли районында команда-штаблық оқыў шынығыўы өткерилди

Усы жылдың 9-11 сентябрь күнлери Кегейли районында Халық ҳәм аймақларда айрықша жағдайлар жүз бергенде айрықша жағдайлар мәмлекетлик системасы хызметкерлериниң биргеликтеги ҳәрекетлери темасында команда-штаблық оқыў шынығыўы өткерилди.
Оқыў шынығыўында Кегейли районлық санитария-эпидемиологиялық тынышлық орайының Эпидемиологиялық, дезинфекциялаў ҳәм бактериологиялық топарлары белсенди қатнасты.
Оқыў шынығыўының биринши күни Кегейли районы Музика мектебин мәжилислер залында ҚР Айрықша жағдайлар басқармасы, Республикалық министрликлер ҳәм басқармалар, Кегейли районы ҳәкимлиги ҳәм районлық мәкеме басшылары қатнасында шынығыўдың басланыўы ҳәм мәкемелердиң айрықшы жағдайларға таярлығы бойынша жыйналыс өткерилип доклатлар тыңланды.
Усы күни Кегейли районы Мәденият МПЖ аймағында гуз қыс мәўсиминде жүззеге келиўи мүмкин болған айрықша жағдайлардың алдын алыў бойынша мәҳәлледе ийис гази, аўқаттан зәҳәрлениў ҳәм қутырыў кеселлигинен жәбирленген жағдайларда АЖМС хызметкерлери биргеликтеги ҳәрекетлери темасында арнаўлы тактик оқыў шынығыўы өткерилди.
Бунда Санитария-эпидемиологиялық тынышлық орайы хызметкерлери тәрепинен ботулизм кеселлиги ҳәм оның аўыр әкибетлери бойынша жыйналғанларға түсиниклер берилип, кеселлик ошағында эпидемиологиялық сорастырыў, аўқатлық затлардан лабораториялық сынамалар алыў ҳәм дезинфекциялаў илажлары көрсетип берилди.
Бул оқыў шынығыўынларында 84 хызметкер ҳәм 8 арңаўлы техника қатнасты. Оқыў шынығыўы ТАЯР деп бахаланып баҳаланды,
Оқыў шынығыўының 2-күни пуқаралар арасында от жара кеселлигине гуманлы наўқас анықланғанда әмелге асырылатуғын илажлар бойынша арнаўлы тактик оқыў шынығыўы өткерилди, бунда оқыў шынығыўы 2 басқышта өткерилди:
Биринши басқышта: Кегейли районлық медицина бирлемпесине от жара кеселлигине гуманлы наўкас келип түскенде наўкасқа бирлемши диагноз қойыў, наўқасты изоляциялаў, тийисли хабарландырыў схемасы бойынша хабарландырыў ҳәм наўкасты бирлемши күтим илажлари, оннан соң ошаққа жетип келген консультация топарының наўкасты көриктен өткериўи ҳәм эпидемиологиялық анамнез жыйнаў тәртиби, наўқасты эвакуация етиў ҳәм ошақтағы дезинфекциялаў илажлары көрсетип берилди.
Екинши басқышта: Кеселлик ошағы Абат макан МПЖ аймағында анықланған кеселлик ошығанда Санитария-эпидемиология тынылық орайы, медицина бирлеспеси патронаж хызмети ҳәм ветеринария бөлими хызметкерлери тәрепинен профилактикалық илажлар көрсетип берилди.
Оқыў шынығыўында жәми 56 хызметкер ҳәм 6 техника қатнасты ҳәм «ШЕКЛЕНГЕН ТАЯР» деп баҳаландып.
Оқыў шынығыўлары даўамында тийисли хызметкерлер тәрепинен қатнасыўшылардың қызықтырған сораўларына жуўаплар берилди.
Оқыў шынығыўы жуўмағында шынығыўға белсенди қатнасқан мәкеме, шөлкемлер
ҚР Министрлер Кеңесиниң, Айрықша жағдайлар басқармасының ҳәм Кегейли районы ҳәқимлигиниң мақтаў жарлық ҳәм саўғалары менен қошаметленди.
Оқыў шынығыўлары карантин ҳәм санитария-гигиена қағыйдаларына әмел етилген тәртипте өткерилди.

ҚР СЭТО Жәмийетшилик пенен ислесиў бөлими