Қарақалпақстан Республикасы Санитария-эпидемиологиялық тынышлық ҳәм жәмийет саламатлығы басқармасы өз жумысын баслады

Өзбекстан Республикасы Президентиниң 2020-жыл 25-июль №ПФ-6035 санлы «Коронавирус пандемиясын жумсартыў ҳалықтыӊ санитария-эпидемиологиялық тынышлығы ҳәм саламатлығын сақлаў системасын түптен жетилистириў ис-илажлары ҳаққында»ғы Пәрманына муўапық, Өзбекстан Республикасы Санитария-эпидемиологиялық тынышлық ҳәм жәмийет саламатлығы хызмети (кейинги орынларда – Санитария-эпидемиология хызмети), оның аймаклық мәкемелери ҳәм район(қала) бөлимлери шөлкемлестириў ҳаққында қарар қабыл етилди. Төмендегилер басқарманың тийкарғы ўазыйпалары есапланады: ҳалықтың санитария-эпидемиологиялық тынышлығы тараўында жергиликли басшы органлар, кәрхана ҳәм шөлкемлердиң хызметин нәтийжели муўапықластырыў ҳәм олар менен бирге ислесиўди тәмийинлеў; юридикалық ҳәм физикалық шахслар тәрепинен әмелдеги санитария қағыйдалары, нормалары ҳәм гигиена нормативлерине (СанҚҳН) әмел етилиўи бойынша белгиленген тәртипте тексериўлер өткериў ҳәм санитария-эпидемиологиялық тынышлығы тараўында нызам бузылыўшылық бойынша белгиленген тәртипте ҳәкимшилик жуўапкершилик шәраларын қолланыў; азық-аўқат шийки заты ҳәм тутыныў өнимлерин өндириў, тасыў, сақлаў ҳәм сатыў менен шуғылланыўшы объектлер хызметинде тийкарланған норма ҳәм стандартлар талапларына бойсынылыўы үстинен тастыйықланған методологиялар тийкарында қадағалаў ҳәм муўапықластырыў; хызмет көрсетиў ҳәм өним ислеп шығарыў қәўипсизлигине қойылатуғын тараўға байланыслы мәжбүрий талаплар бойынша арнаўлы экспертизалар өткериў; жуқпалы, паразитар, сондай-ақ жуқпалы болмаған кеселликлердиң келип шығыўы ҳәм тарқалаыўының алдын алыўға каратылған эпидемияға қарсы ҳәм санитария-гигиеналық илажларды шөлкемлестириў ҳәм әмелге асырыў; санитария-гигиена, радиациялық ҳәм физикалық факторлар, бактериология, вирусология, паразиталогия ҳәм де аса қәўипли кеселликлер лабораториялары хызметин жолға қойыў; инсан саламатлығына тәсир етиўши қәўипли факторлар бойынша системалы мониторинглерди шөлкемлестириў, әмелге асырыў, анализ етиў ҳәм тийисли есабатлар жўргизиў; жуқпалы ҳәм паразитар кеселликлердиң пайда болыўы ҳәм тарқалаўының алдын алыўға қаратылған ошақлы дезинфекция, дезинсекция, дератизация илажлары өткерилиўин шөлкемлестириў, әмелге асырыў ҳәм муўапықластырыў; санитария-эпидемиология ҳәм жәмийет саламатлығын тәмийнлеў мақсетинде қәўип-қәтерлерди алдын ала анықлаўды тәмийинлеў, баҳалаў ҳәм сапластырыў ушын келип шығыўы азық-аўқат пенен байланыслы кеселликлер үстинде миллий мониторинглер алып барыў ҳәм муўапықластырыў; аса қәўипли кеселликлер бойынша эпидемиологиялық қадағалаў алып барыў ҳәм профилактика ҳәм эпидемияға қарсы комплексли илажларды өткериў; түрли социаллық топарлар арасында, саламат турмыс тәризин жаратыў ушын санитария-гигиеникалық оқытыўды шөлкемлестириўге қаратылған ис-илажларды өткериў; тараўға байланыслы статистикалық мағлыўматларды алып барыў, топлаў, анализлеўге методикалық басшылық етиў, халықтың саламатлығына кери тәсир ететуғын факторларды анықлаў мақсетинде зәрүрли тексериўлер ҳам сораўлар өткериў; тараўдың усы ҳәм келешектеги талапларын есапқа алған жағдайда, кадрларды оқытыў, қайта таярлаў ҳәм қәнигелигин асырыўды шөлкемлестириў. Санитария-эпидемиология хызмети шөлкемлестирилип атырғанлығы менен Денсаўлықты сақлаў министрлиги жанындағы Санитария-эпидемиологиялық тынышлық орайы, Министрлер Кабинети жанындағы Санитария-эпидемиология қадағалаў мәмлекетлик инспексиясы ҳам олардың аймақлық бөлимлери жумыслары тоқтатылды.