Халықтың саламат аўқатланыўын тәмийинлеў бойынша семинар болып өтти

Халықтың саламат аўқатланыўын тәмийинлеў бойынша семинар болып өтти




Усы жылдыӊ 26-март күни Өзбекстан Республикасы Санитария-эпидемиологиялық тынышлық ҳәм жәмийет саламатлығы хызмети тәрепинен Өзбекстан Республикасы Президентиниң 2020-жыл 10-ноябрьдағы «Халықтың саламат аўқатланыўын тәмийинлеў бойынша қосымша ис-илажлар ҳаққында»ғы 4887-санлы Қарары, «Витамин-минерал араласпасы менен байытылған жоқары сортлы нанбайханалы бийдай уны» O՚zDst 1104:2021 Мәмлекетлик стандарты, сондай-ақ, байытылған жоқары сортлы бийдай унының сапасы ҳәм қәўипсизлик дәрежелерин лаборатория мониторингин нәтийжели шөлкемлестириў темаларында онлайн тәризиндеги семинар шөлкемлестирилди.

Усы семинарға ҚР СЭТҳЖСБ, Нөкис қалалық ҳәм Төрткүл, Қоңырат районлық СЭТҳЖС бөлими қәнигелери, Республика аймағында жайласқан байытылған бийдай унын ислеп шығарыў менен шуғылланыўшы дән кәрханалары технолог ҳәм лаборатория меңгериўшилери ZООМ байланысы арқалы қатнасты.

Семинарда Өзбекстан Республикасы ДССМ «Саламатлық-3»                                                    жойбарын әмелге асырыў орайының атқарыўшы директор ў.о Д.Б.Хашимов, «Donmahsulotlari IIChm» ЖШЖ директоры Д.Гаурова, сертификация бөлими баслығы М.Алланова, жетекши қәниге Н.Нурматова, Азық-аўқат өнимлерин байытыў бағдарламасының қәнигеси А.Байкулов, Өзбекстан Республикасы СЭТҳЖС хызмети бас қәнийгеси А.Исмаилов ҳәм санитария-гигиена лабораториясы меңгериўшиси М.Шамсутдиновалар баянатлар жасап, тема бойынша таярланған презентациялар қойып берилди. Семинар соңында қызықтырған мәселелер бойынша сораў-жуўаплар алмасылды.

Семинар жуўмағында, басқарма ҳәм дән кәрханалары қәнигелери биргеликте Қарар ҳәм стандарт талапларын орынлаў бойынша бирге ислесиў мәселелери додаланылды, алдағы ўақытлары исленетуғын жумыслар келисилип алынды.