Бүгин Қарақалпақстан Республикасы Санитария-эпидемиологиялық тынышлық ҳәм жәмийет саламатлығы басқармасы Кәсиплик аўқам комитети тәрепинен шөлкемлестирилген «Санитария-эпидемиология хызмети кубоги» Финал басқышы болып өтти.

«Саламат турмыс қәлпин кеңнен ен жайдырыў ҳәм ғалабалық спортты жәнеде раўажландырыў ҳаққында»ғы Президент Пәрманына тийкарланып, бүгин 28-май 2021-жыл Қарақалпақстан Республикасы Санитария-эпидемиологиялық тынышлық ҳәм жәмийет саламатлығы басқармасы Кәсиплик аўқам комитети тәрепинен шөлкемлестирилген «Санитария-эпидемиология хызмети кубоги» Нөкис Олимпия резервлери колледжинде финал басқышы өткерилди.
Жарысқа Санитария-эпидемиологиялық тынышлық ҳәм жәмийет саламатлығы Елликқала, Әмиўдәрья, Қоңырат, Шоманай, Қанлыкөл, Хожели, Шымбай, Қараөзек, Нөкис районы ҳәм Нөкис қаласы бөлимлери қатнасты. Спартакиада қатнасыўшылары спорттың 6 три бойынша, яғный ер балалар арасында футбол, стол теннеси, жеңил атлетика, ҳаял-қызлар арасында воллейбол, шашка ҳәм 50 жастан асқан ҳаяллар арасында дартс спорт түрлери бойынша қатнасты.
Буннан мақсет, мийнет жәмаатинде хызметкерлер арасында саламат турмыс қәлпин енгизиў, спортқа қызығыўшыларды қамтып алыў болып есапланады.
Спартакиада жарыслары жуўмағы бойынша «Санитария-эпидемиология хызмети кубоги» биринши орынды Шымбай районы, екинши орынды Елликқала районы ҳәм үшинши орынды Нөкис қаласы бөлимлери жеңип алды. Сондай-ақ қатнасыўшылар төрт номинация бойынша, яғный «Ең жасы үлкен қатнасыўшы», «Ең шебер ҳәўескер спортшы», «Жеңиске болған умтылыўы ушын», «Ең жас қатнасыўшы» бойынша сыйлықланды.
Спорттың футбол түри бойынша өткерилген жарыста биринши орынды Шымбай районы, екинши орынды Хожели районы, үшинши орынды Шоманай районы бөлимлери ийелеп, оларға Қарақалпақстан Республикасы Санитария-эпидемиологиялық тынышлық ҳәм жәмийет саламатлығы басқармасы тәрепинен стационар компьютер, ноутбук, 3/1 принтер менен сыйлықланды.
Спорттың воллейбол түри бойынша өткерилген жарыста биринши орынды Елликқала районы, екинши орынды Шымбай районы, үшинши орынды Нөкис қаласы бөлимлери ийелеп, оларға Қарақалпақстан Республикасы Санитария-эпидемиологиялық тынышлық ҳәм жәмийет саламатлығы басқармасы тәрепинен диплом ҳәм стационар компьютер, ноутбук, 3/1 принтер менен сыйлықланды.
Стол тенниси бойынша өткерилген жарыс жуўмағы бойынша биринши орынды Қараөзек районы, екинши орынды Қанлыкөл районы, үшинши орынды Әмиўдәрья районы бөлимлери;
Жеңил атлетика түринен биринши орын Шымбай районы, екинши орын Нөкис қаласы, үшинши орын Қоңырат районы бөлимлери;
Шашка три бойынша биринши орын Елликқала районы, екинши орын Шымбай районы, үшинши орын Қанлыкөл районы бөлимлери;
Дартс түри бойынша биринши орын Нөкис районы, екинши орын Елликқала районы, үшинши орын Шоманай районы бөлимлери ийелеп, оларға Қарақалпақстан Республикасы Санитария-эпидемиологиялық тынышлық ҳәм жәмийет саламатлығы басқармасы Кәсиплик аўқам комитети тәрепинен диплом ҳәм электр мясорубка, гладельный доска, House чайниклери менен сыйлықланды.
«Ең жасы үлкен қатнасыўшы» номинациясы бойынша Қараөзек районынан А.Аймуратова, «Ең шебер ҳәўескер спортшы» номинациясы бойынша Шымбай районынан А.Нағметуллаева, «Жеңиске болған умтылыўы ушын» номинациясы бойынша Елликқала районынан Г.Ахмедов, «Ең жас қатнасыўшы» номинациясы бойынша Қоңырат районынан А.Юсупбаевалар сыйлықланып, Zepter чайниклери тапсырылды.
Қанлыкөл, Қоңырат, Хожели, Елликқала, Әмиўдәрья районы ҳәм Нөкис қаласы бөлимлери командаларына жарыста белсене қатнасқанлығы ушын Басқарма тәрепинен миннетдаршылық жарлықлары ҳәм стационар телефонлар менен сыйлықланды.
«Санитария-эпидемиология хызмети кубоги»ниң аймақлық ҳәм республикалық басқышларын өткериўди шөлкемлестириўде белсендилик көрсеткенлиги ушын Басқарманың бир қатар хызметкерлерине Кәсиплик аўқам комитети тәрепинен миннетдаршылық жарлықлары ҳәм қымбат баҳалы утюглер менен сыйлықланды.
«Санитария-эпидемиология хызмети кубоги»ниң финал басқышындағы спорт жарысларын әдалатлы тәризде төрешилик еткенлиги ушын Нөкис Олимпия резервлериниң бир қатар тренерлери Кәсиплик аўқам комитети тәрепинен миннетдаршылық жарлықлары ҳәм баҳалы саўғалар менен сыйлықланды.