Республикамыз бойлап “Мен вакцина алдым” акциясы өткизилмекте.

“COVID-19”ға қарсы шаншыӯ иләжлары пандемияның алдын алыӯда әҳмийетли орын ийелейди. Вакциналар иммунитетиңизди беккемлеп, Сизге жуғыӯы мүмкин болған вирусларға қарсы гүресиӯде қатнасады. Биз профилактикалық шаншыӯ арқалы тек өзимизди емес, ҳәттеки жақынларымыздыда, әтирапымыздағылардыда қорғаймыз. Халықтың 60-70 пайызында усы кеселликке қарсы иммунитетти пайда етпей турып, оған қарсы нәтийжели гүресе алмаймыз. Усы орында жер жүзинде кеселленгенлердиң 3-5% қайтыс болғанлығын ҳәм бул кеӯилсиз пайызлар ишинде бизиң жақынларымызда болыӯ итималлығын есимизден шығармаӯымыз тийис.
Республикамыз бойлап басланған “Мен вакцина алдым” акциясына белсене қатнасың. Пандемияны жеңиӯ жолында биргеликтеги гүреске өз үлесиңизди қосың!

Қарақалпақстан Республикасы Санитария-эпидемиологиялық тынышлық ҳәм жәмийет саламатлығы басқармасы жәмийетшилик пенен ислесиӯ бөлими