Бүгин Қарақалпақстан Республикасына 70560-доза «Moderna» вакцинасы алып келинди.

Бүгин Қарақалпақстан Республикасына коронавирус инфекциясына қарсы 70560-доза «Moderna» вакцинасы алып келинди. Алып келинген вакциналар усы күнниң өзинде-ақ, барлық шаңарақлық поликлиникалардың шаншыӯ ханаларына жеткерип берилиӯи режелестирилмекте. Вакциналар АҚШ тәрепинен Ѳзбекстан Республикасына бийғәрез көмек сыпатында алып келинген. Дүнья жүзлик ден-саӯлықты сақлаӯ шөлкеминиң экспертлер топары вакцинаның вирусқа қарсы 94,1% нәтийжели екенлигин ҳәм бул вакцинаны 18-жастан жоқары болған барлық халық қатламы ушын усынған. Вакцина еки дозада қылынады. Биринши шаншыӯ менен екинши шаншыӯдың арасында кеминде 28 күнлик интервал болыӯы керек.   Қарақалпақстан Республикасы Санитария-эпидемиологиялық тынышлық ҳәм жәмийет саламатлығы басқармасының жәмийетшилик пенен бирге ислесиӯ бөлими.