Карантин шеклеўлери бойынша профилактикалық рейд иләжлары өткерилди.

Қарақалпақстан Республикасы санитария-эпидемиологиялық тынышлық ҳәм жәмийет саламатлығы басқармасы ҳәм оның Нөкис қалалық бөлими қәнийгелери, Қарақалпақстан Республикасы Ишки ислер министрлиги, Миллий гврадия хызмети менен биргеликте Нөкис қаласы аймағында ҳәрекет етип турған исбилерменлик субъектлерине қараслы улыўма аўқатланыў объектлеринде (ресторан, кафе, асхана) Өзбекстан Республикасына коронавирустың кирип келиўи ҳәм тарқалыўының алдын алыўда ис-иләжлар бағдарламасын таярлаў бойынша Республика арнаўлы комиссиясының 2021 жыл 19-июлдеги 78-санлы (19.07.2021ж күнги 01-07/1-234) жыйналыс протоколы қарарында белгиленген карантин шеклеўлери бойынша профилактикалық рейд иләжлары өткерилди.

Республика арнаўлы комиссиясының 2021 жыл 19-июлдеги қарары менен усы жылдың 20-июль сәнесинен баслап, улыўма аўқатланыў объектлери ресторан, кафе, асхана ҳәм чайханалар саат 0800 ден 2000 шекем, тек ғана ашық ҳаўада ислеўине (мийманханаларда шөлкемлестирилген ресторан ҳәм кафелерге байланыслы емес) рухсат етилген еди.

Усы Республика арнаўлы комиссиясының қарары талапларының орынланыўын тәмийинлеў бойынша қәнийгелер тәрепинен Нөкис қаласы аймағында улыўма аўқатланыў объектлеринде – азаңғы саат 0800 ден 2000 шекем тек ғана ашық ҳаўада ислеўи, санитария-гигиена талапларына қатаң әмел еткен халда жумыс алып барыў хаққында профилактикалық түсиник жумыслары алып барылды ҳәм объект ийелерине еслетпелер усынылды.

 

Қарақалпақстан Республикасы Санитария-эпидемиологиялық тынышлық ҳәм жәмийет саламатлығы басқармасының жәмийетшилик пенен ислесиӯ бөлими.