Қарақалпақстан Республикасы Санитария-эпидемиологиялық тынышлық ҳәм жәмийет саламатлығы басқармасының бир топар хызметкерлери «Ѳзбекстан Республикасы ғәрезсизлигиниң 30 жыллығы» естелик белгиси менен сыйлықланды.

Ѳзбекстан Республикасы Президентиниң 2021-жыл 24-майдағы «Ѳзбекстан Республикасы ғәрезсизлигиниң 30 жыллығы естелик белгисин шөлкемлестириӯ ҳаққында» ғы ПП-6234-санлы Пәрманына муӯапық «Ѳзбекстан Республикасы ғәрезсизлигиниң 30 жыллығы» естелик белгиси менен елимиз ғәрезсизлигин беккемлеӯ, оның экономикалық, сиясий, социаллық, илимий, руӯхый потенциалын арттырыӯ, миллий мәдениятымыз бенен көркем –өнеримизди раӯажландырыӯ, саламат ҳәм бәркамал әӯладты камалға келтириӯ, жасларымызды ӯатан сүйиӯшилик ҳәм ғәрезсизлик идеяларына садықлық руӯхында тәрбиялаӯда айрықша пидайылық көрсетип киятырған пуқаралар сыйлықланады, деп көрсетилген еди.

Пәрманға муӯапық Қарақалпақстан Республикасы Санитария-эпидемиологиялық тынышлық ҳәм жәмийет саламатлығы басқармасының бир топар хызметкерлериде  пидайы хызметлери ушын «Ѳзбекстан Республикасы ғәрезсизлигиниң 30 жыллығы» естелик белгиси менен сыйлықланды.

Қарақалпақстан Республикасы Санитария-эпидемиологиялық тынышлық ҳәм жәмийет саламатлығы басқармасының жәмийетшилик пенен ислесиӯ бөлими.