Qaraqalpaqstan Respublikası sanitariya-epidemiologiyalıq tınıshlıq hám jámiyet salamatlıǵı basqarması májlisler zalında medicinalıq deontologiya hám mádeniyatı haqqında jıynalıs ótkerildi.

Qaraqalpaqstan Respublikası sanitariya-epidemiologiyalıq tınıshlıq hám jámiyet salamatlıǵı basqarması májlisler zalında medicinalıq deontologiya hám mádeniyatı haqqında jıynalıs ótkerildi. Jıynalıstı basqarma baslıǵı B.B.Qutlımuratov ashıp berdi hámde Ózbekstan Respublikası Ministrler Kabinetiniń 02.03.2016-jıl kungi «Mámleketlik basqarıw organları hám jergilikli hákimiyat organları xızmetkerleriniń ádep-ikramlılık qaǵıydaların tastıyıqlaw xaqqında»ǵı 62 sanlı Qararı, Ózbekstan Respublikası DSSMniń 20.01.2016 jıl kungi «Den sawlıqtı saqlaw sistemasına qaraslı bárshe basqarıw apparatı, medicina emlew profilaktika hámde joqarı hám orta arnawlı tálim mekemeleri, kárxana xızmetkerleri hám studentleriniń medicina deontologiyası hám mádeniyatı xaqqında»ǵı 34 sanlı buyrıǵı boyınsha tusinik berip ótti. Jıynalıs dawamında basqarma yuristkonsultantı R.Xojanazarov Respublikamızda janadan qabıl etilgen nızam hám nızam astı hújjetleri xaqqında keńnen tusindirdi. Jıynalıs qatnasıwshıları tárepinen ózlerin qızıqtırǵan sorawlar berilip tiyisli juwaplar alındı hámde elimizdiń sanitariya epidemiologiyalıq tınıshlıǵın támiyinlewdegi aldaǵı máseleler belgilep alındı.