Qaraqalpaqstan radiokanalı arqalı «Jańa jıl» bayramı aldınan kewilsiz jaǵdaylardıń aldın alıw boyınsha esittiriw shólkemlestirildi.

Qaraqalpaqstan radiokanalı arqalı «Jańa jıl» bayramı aldınan kewilsiz jaǵdaylardıń aldın alıw boyınsha esittiriw shólkemlestirildi.

 

2021-jıl 21-dekabr kúni 106,4 FM tolqınındaǵı Qaraqalpaqstan radiokanalınıń Jámiyetlik-siyasiy, sociallıq-ekonomikalıq baǵdarlamalar bas redakciyası dóretiwshilik jámaatı tárepinen «Jańalanıw qádemleri» esittiriwi arqalı xalqımızǵa «Jańa 2022-jıl bayramı» aldınan xalqımız arasında kewilsiz jaǵdaylardıń aldın alıw boyınsha tuwrıdan-tuwrı esittiriw shólkemlestirildi.

Esittiriwge Qaraqalpaqstan Respublikası Ayrıqsha jaǵdaylar basqarmasınan M.Qazaqbaev, A.Abduraxmanov, Respublikalıq qıstawlı medicinalıq járdem ilimiy-ámeliy orayı Qaraqalpaqstan filialınan M.Jadigerov hám Qaraqalpaqstan Respublikası Sanitariya-epidemiologiyalıq tınıshlıq hám jámiyet salamatlıǵı basqarmasınan F.Ajimovlar qatnastı.

Esittiriwde xalqımızǵa Jańa jıl bayramında júz beriwi múmkin bolǵan kewilsiz jaǵdaylar, pirotexnika ónimlerinen paydalanıw aqıbetleri, azıq-awqat ónimlerinen hámde iyis gazinen záhárleniwdiń aldın alıw boyınsha sáwbetlesiw ótkerildi.

Qaraqalpaqstan Respublikası Sanitariya-epidemiologiyalıq tınıshlıq hám jámiyet salamatlıǵı basqarması F.Ajimov tárepinen Jańa jıl bayramında xalıq arasında awqattan záhárleniwdiń, ásirese «Botulizm» keselliginiń aldın alıw boyınsha radiotıńlawshılarǵa awqattan záhárleniw boyınsha maǵlıwmatlar hámde onıń aldın alıw júzesinen usınıslar berdi. Sol menen birge bayram dástúrxanın bezetiwde azıq-awqat ónimlerin, ásirese konditer ónimlerin satıp alarda olardıń sapası hám qáwipsizligi boyınsha másláhátler berildi.