ALǴÍSNAMA

Bekmuratov Pirlan Piriyarovich 1961-jıl 15-avgust kúni Kegeyli rayonında tuwılǵan. 1978-1983-jıllarda Nókis qalalıq medicina uchiliщiesinde “medicina profilaktika isi” boyınsha oqıdı. 1983-1991 jıllarda Qaraqalpaqstan Respublikası Mámleketlik sanitariya-epidemiologiya baqlaw orayı sanitariya-gigiena laboratoriyası “Miynet gigienası” bólimshesi laborantı lawazımında isledi. 1991-jıldan baslap Qaraqalpaqstan Respublikası Mámleketlik sanitariya-epidemiologiya baqlaw orayı sanitariya-gigiena laboratoriyasınıń “Fizikalıq faktorlar” bólimshesi sanitariya vrach járdemshisi lawazımında házirgi kúnge shekem jumısın dawam etti. Uzaq hám tabıslı jumıs dáwirinde Bekmuratov Pirlan Piriyarovich ѳzin talabshań, juwapkerli, tapsırmalardı ѳz waqtında orınlaytuǵın xızmetker sıpatında tanıttı. Respublika xalqınıń sanitariya mádeniyatın asırıw, kárxanalarda kásip kesyoellikleriniń aldın-alıw, jámáátlıq jumıslarda ózine berilgen tapsırmalardı jaqsı orınlap, óz kásiplesleri hámde jas qanigeler ushın úlgi bolıp keldi.

Húrmetli Pirlan Piriyarovich!

Qaraqalpaqstan Respublikası sanitariya-epidemiologiyalıq tınıshlıq hám jámiyet salamatlıǵı basqarması atınan úlken minnetdarshılıq bildiremiz hám napaqa dáwirinde mazmunlı hám uzaq ѳmir, bekkem den-sawlıq, shańaraǵıńızǵa tınıshlıq tileymiz.

 

Jámiyetshilik penen islesiw bѳlimi