2020-2022 жыллар ушын дүзилген Жәмәәтлик шәртнама бойынша конференция

Усы жылдың 10-март күни Қарақалпақстан Республикасы Санитария-эпидемиологиялық тынышлық ҳәм жәмийет саламатлығы басқармасы мәжлислер залында 2020-2022 жыллар ушын дүзилген Жәмәәтлик шәртнаманың 2021-жылда орынланғаны бойынша басқарма, қала ҳәм районлық бөлимлердиң хызметкерлеринен сайланған делегатлар ҳәм Өзбекстан Республикасы Денсаўлықты сақлаў хызметкери Қарақалпақстан Республикасы кеңесиниң баслығы Л.Байбосынова қатнасыўында конференция болып өтти.

 

Конференция күн тәртибинде Жәмәәтлик шәртнаманың 2021-жылда орынланыўы бойынша басқарма баслығы Б.Қутлымуратов ҳәм Кәсиплик аўқам комитети баслығы С.Утемуратованың есабатлары тыңланды. Жәмәәтлик шәртнаманың 2021-жылда орынланыўы бойынша жумыс бериўши ҳәм хызметкерлер тәрепинен ўәкиллердиң тексериў акты менен таныстырылды. Ал, 2020-2022 жыллар ушын дүзилген Жәмәәтлик шәртнамаға 2022-жылда қосылған қосымша бәнтлери менен таныстырылып, конференция соңында басқарма баслығы ҳәм Кәсиплик аўқам комитети баслығының есабатлары қанаатландырарлы деп мақулланды.

ҒХҚ ҳәм Жәмийетшилик пенен ислесиў бөлими.