Қарақалпақстан Республикасы Мектепке шекемги билимлендириў министрлигиниӊ ис режеси тийкарында семинар–кеӊес шөлкемлестирилди

Қарақалпақстан Республикасы Мектепке шекемги билимлендириў министрлигиниӊ ис режеси тийкарында 2022-жыл 6-май күни Нөкис қалалық мектепке шекемги билимлендириў бөлимине қараслы 27-санлы мектепке шекемги билимлендириў шөлкеминде «Мектепке шекемги билимлендириў шөлкемлеринде дурыс аўқатландырыўды шөлкемлестириў, бракореж комиссия жумыслары хаққында»ғы семинар–кеӊес шөлкемлестирилди, бул семинар-кеӊеске Нөкис районлық мектепке шекемги билимлендириў бөлимине қараслы  мектепке шекемги билимлендириў шөлкемлери мийрбийкелери ҳәм ҳожалық ислери меӊгериўшилери қатнасты. Семинар-кеӊес барысында  27-санлы мектепке шекемги билимлендириў шөлкеминиӊ аўқатландырыўды аутсорсинг усылында  шөлкемлестирилип  атырған жумыслары  менен қатнасыўшыларды таныстырып, бракореж комиссиясы, мектепке шекемги билимлендириў шөлкемлеринде Санитариялық норма ҳәм оның қағыйдалары орынланыўы, азық-аўқат ɵнимлериниң кирис-шығыс хүжжетлери алып барылыўы хаққында  толық түсиниклер берилди. Семинар-кеӊеске қалалық Санитария-эпидемиологиялық тынышлық ҳәм жәмийет саламатлығы орайы қәнийгелери, тәжрийбели мийрбийкелелер, ҳожалық ислери меӊгериўшилери қатнасыушылардыӊ сораўларына тийисли жуўаплар берди.