Беруний районында жуқпалы кеселликлер профилактикасы жүзесинен семинар шѳлкемлестирилди

Ѳзбекстан Республикасы Саниатария-эпидемиологиялық тынышлық ҳәм жәмийет саламатлығы басқармасы, Қарақалпақстан Республикасы аймақлық басқармасыныӊ 2022-жыл 25-май күнги
№87 §1-санлы буйрығына тийкар усы жылдың 26-май күни Беруний районы Жаслар орайы мәжилислер залында басқарманыӊ Эпидемиология бѳлими меңгериўшиси И.Байниязовтың басшылығында Беруний районылық Мектепке шекемги билимлендириў мекемелери ҳәмде улыўма орта билим бериў мектеплери директорлары жәми 81 тыңлаўшының қатнасыўында “Вируслы гепатит А кеселлигиниң алдын алыў ҳәмде балаларды кеселликке қарсы шаншыў жумысларын жәнеде жеделлестириў” темасында семинар ѳткерилди.

Семинар даўамында тыңлаўшыларға темаға байланыслы презинтация материаллары арқалы кѳргизбели түрде түсиндириў жумыслары әмелге асырылды. Семинар соңында қатнасыўшылар тәрепинен қызықтырған сораўларына жуўаплар берилип, саўбетлесиўлер ѳткерилди. Профилактикалық жумыслар қала ҳәмде районлар кѳлеминде даўам еттирилмекте.