Республикада балалар арасынада жуқпалы ҳәм паразитар кеселликлерлердиң алдын алыў бойынша Тақыятас районында алып барылған жумыслар

Республикада балалар арасынада жуқпалы ҳәм паразитар кеселликлер, соның ишинде, вируслы гепатит “А” кеселлигин кемейтириўге арналған жумысларды күшейтириўге ҳәм сыпатын асырыў бойынша 2022-2023 жылларда қосымша ис-иләжлар дәстүрин ҳәмде Өзбекстан Республикасы Санитария-эпидемиологиялық тынышлық ҳәм жәмийет саламатлығы басқармасының 2022-жыл 21-февраль күнги 16-8/1074-санлы көрсетпе хатындағы талабын орынлаў бойынша 2022-жыл 26-май күни Тақыятас районы 10-санлы мектепке шекемги билимлендириў шөлкеминде семинар өткерилди. Семинарды Қарақалпақстан Республикасы Санитария-эпидемиологиялық тынышлық ҳәм жәмийет саламатлығы басқармасы врачы Г.Арзиева ҳәм Тақыятас районлық Санитария-эпидемиологиялық тынышлық ҳәм жәмийет саламатлығы бөлими врачы Г.Рустемовалар алып барды. Баянатшылар тәрепинен МШБШ меңгериўшилерине балалар бақшаларында көп ушрасыўы мүмкин болған жуқпалы кеселликлер ҳаққында, яғный, олардың жуғыў жоллары, клиник белгилери ҳәм профилактикасы, буннан тысқары, кишм жастағы балаларда көп ушрасатуғын “ВГА” кеселлиги тарқалыўының алдын алыўдың ең исенимли ҳәм қәўипсиз жолы вакцинация екенлиги ҳаққында түсиник берилди.

Тақыятас районлық Санитария-эпидемиологиялық тынышлық ҳәм жәмийет саламатлығы бөлими