Азық-аўқат өнимлеринен зәҳәрлениўдиң алдын алыў бойынша алып барылған ис-иләжлар

2022-жыл 31-май күни Самарқанд ўәлаяты Жамбай районындағы тойханалардың биринде болып өткен той мересиминде, топарлы аўқаттан зәҳәрлениў жүз бергенлиги ҳаққында хабарлар тарқалған. Буған себеп ретинде сапасыз таярланған азық-аўқат өнимлери гүмән етилди.

Жоқарыдағы жағдай Қарақалпақстан Республикасы аймағында жүз бериўиниң алдын алыў мақсетинде, Қарақалпақстан Республикасы Санитария-эпидемиологиялық тынышлық ҳәм жәмийет саламатлығы басқармасының усы жылдың 1-июнь күнги тапсырма хатына муўапық, аймақлық бөлимлер тәрепинен орынларда жайласқан тойхана, ресторан, кафе сияқлы бир қатар ғалабалық мәресимлер өткерилетуғын орынларында халық арасында аўқаттан зәҳәрлениў кеселликлери, оларды пайда етиўи мүмкин болған жағдайлар, булардың алдын алыў ушын улыўма аўқатланыў орынларында әмел етилиўи лазым болған санитария-гигиена қағыйдалары ҳаққында қәнийгелер тәрепинен түсиндириў жумыслары алып барылмақта. Сондай-ақ, санитария-гигиена қағыйдалары сәўлеленген тарқатпа материаллар тарқатылып, хызметкерлер танысыўы ушын орынларға қыстырыў жумыслары алып барылды.
2022-жылдың бастағы бес айы даўамында басқарманың аймақлық бөлимлери тәрепинен ўәкилликли органларды хабардар еткен ҳалда 90 нан аслам улыўма аўқатланыў орынларында тексериўлер өткерилип, тексериў жуўмағы бойынша топланланған ҳүжжетлер аймақлық жынаят ислери бойынша судларға өткерилди.

Өзбекстан Республикасы Мәмлекетлик санитария бас врачы тәрепинен 2014-жыл 9-март күни тастыйықланған «Улыўма аўқатланыў кәрханалары ушын сантария-гигиеналық талаплар» (Саниатриялық қәўипсизлик ҳәм нормалар) № 0310-14 талаплары орынланыўын тәмийинлеў мақсетинде, аўқатланыў орынларында әмел етилиўи лазым болған санитария-гигиена қағыйдалары бойынша шығыс хат арқалы хожалық жүритиўши субъектлерге усыныс ҳәм хабарландырыў хатларын тарқатыў жумыслары алып барылып, халқымыздың қуўанышлы күнлерин тынышлықта өткериў, халық арасында аўқаттан зәҳәрлениўдиң алдын алыў бағдарындағы ис-илажлар турақлы алып барылмақта.

Қарақалпақстан Республикасы Санитария-эпидемиологиялық
тынышлық ҳәм жәмийет саламатлығы басқармасы,
Аўқатланыў гигиенасы бөлими санитария врачы
Ф.Ажимов