“Спорт-саламатлык гиреўи” сүрени астында “Спартакиада” жарыслары өткерилди

Қарақалпақстан Республикасы санитария эпидемиологиялық тынышлық ҳәм жәмийет саламатлығы басқармасы аймақлық бөлимлер хызметкерлери арасында спорт түрлери бойынша “Спорт-саламатлык гиреўи” сүрени астында “Спартакиада” жарыслары өткерилди

Инсан ушын ең қәдирли хам бийбаха байлыклардан бири ден саўлық есапланады.
Мәмлекетимизде спорт ҳәм дене тәрбияға каратылып атырған жоқары итибар негизиндеде саламатлықты тәмийинлеӯ, руухый баркамаллык сыяклы идеялар жәмленген.
Өзбекстан Республикасы Президентиниң 2020-жыл 30-октябрьдеги «Саламат турмыс тәризин кең ен жайдырыў ҳәм ғалабалық спортты және де раўажландырыў ис-илажлары ҳаққында»ғы ПП-6099 санлы Пәрманында белгиленген ўазыйпаларды орынлаўын тәмийинлеў, хызметкерлер арасында спорт жарысларын шөлкемлестириў арқалы олардың бос ўақытларын мазмунлы өткериў ҳәм ғалабалық спортқа кең түрде тартыў арқалы саламат турмыс тәризин үгит-насиятлаў бойынша қатар илажлар әмелге асырылмақта.
“Спорт-саламатлық гиреўи” сүрени тийкарында Спартакиада жарысларының өткерилиўи сөзимиздиң айқын мысалы болып, бундай спорт жарысларын шөлкемлестириў басқармада дәстүрге айланған.
2022-жылдың 21-сентябрь күни Нөкис каласы Абу-Али Ибн Сино атындағы саламатлық жәмийетлик техникумында Қарақалпақстан Республикасы санитария эпидемиологиялық тынышлық ҳәм жәмийет саламатлығы басқармасы тәрепинен, басқарма ҳәм аймақлық бөлимлер хызметкерлери арасында “Спорт-саламатлық гиреўи” сүрени тийкарында Спартакиада жарысында спорттың стол тенниси, шашка, жеңил атлетика, дартс, армрестлинг, арқан тартыў түрлеринен шөлкемлестирилди.
Спартакиаданың ашылыў салтанатында Қарақалпақстан Республикасы санитария эпидемиологиялық тынышлық ҳәм жәмийет саламатлығы басқармасы ҳәмде Өзбекстан ден саўлықты сақлаў хызметкерлери кәсиплик аўқамының Қарақалпақстан Кеңеслериниң ўәкиллери қатнасып жарыс қатнасыўшыларына табыслар тиледи.
Жарысқа Республикалық санитария эпидемиологиялык тынышлык хам жәмийет саламатлығы баскармасы ҳәм аймаклык бөлимлеринен 130 дан аслам хызметкерлер катнасты.
Кун даўамында спорт жарыслары қызғын өтип ҳәм тәжирийбели төрешилер тәрепинен жеңимпазлар анықланып, оларға Қарақалпақстан Республикасы санитария эпидемиологиялық тынышлық ҳәм жәмийет саламатлығы басқармасы кәсиплик аўқамы комитетиниң тийисли дәрежедеги дипломлары ҳәмде баҳалы саўғалары тапсырылды сондай-ақ спорт түрлери бойынша 1-орынды ийелегенлер Карақалпақстан Республикасы басқышына қатнасыўға жоллама алды.
Соның мене қатар “Ен жасы үлкен қатнасыўшы”, “Ең шебер ҳәўескер қатнасыўшы”, “Жеңиске болған интилиў ушын”, Ең жасы киши қатнасыўшы” номинациялары жеңимпазларына дипломлар ҳәмде баҳалы саўғалар менен сыйлықланды.

КР СЭТ хәм ЖСБ касиплик аӯқам баслығы С.Утемуратова