24-noyabr kúni Ózbekstan mámleketlik dene tárbiyası hám sport universiteti Nókis filialı májilisler zalında filial professor-oqıtıwshıları hám student-jaslarınıń qatnasında «COVID-19» infekciyasına qarsı xalıqtı emlewge qaratılǵan ushırasıwı bolıp ótti

 

«Yuksalish» ulıwma miliy háreketi, Ózbekstan Respublikası Sanitariya-epidemiologiyalıq tınıshlıq hám jámiyet salamatlıǵı xızmeti hám YUNISEFtiń Ózbekstandaǵı elshixanası menen birgelikte usı jıldıń sentyabr-dekabr aylarında «COVID-19» infekciyasına qarsı xalıqtı emlewge qaratılǵan ilajlardı ótkeriw rejelestirilgen edi.

Usı múnásibet penen 24-noyabr kúni Ózbekstan mámleketlik dene tárbiyası hám sport universiteti Nókis filialı májilisler zalında filial professor-oqıtıwshıları hám student-jaslarınıń qatnasında «COVID-19» infekciyasına qarsı xalıqtı emlewge qaratılǵan ushırasıwı bolıp ótti.

Ushırasıwdı Ózbekstan mámleketlik dene tárbiyası hám sport universiteti Nókis filialı direktorınıń Jaslar máseleleri, ruwxıylıq hám aǵartıwshılıq isleri boyınsha birinshi orınbasarı D.Nurıshov ashıp berdi hám basqarıp bardı. Soń sózge shıqan «Yuksalish» ulıwma miliy háreketi Qaraqalpaqstan Respublikası aymaqlıq bólimi hám Ózbekstan Respublikası Sanitariya-epidemiologiyalıq tınıshlıq hám jámiyet salamatlıǵı xızmetinen kelgen tiyisli taraw qánigeleri tárepinen bul keselliktiń insan salamatlıǵına unamsız tásiri haqqında túsinikler berildi.

Sonday-aq, ushırasıw dawamında elimizge alıp kelingen vakcinalar boyınsha qánigeler másláhátleri, epidemiologiyalıq jaǵday, «COVID-19» profilaktikası boyınsha ámelge asırılıp atırǵan jumıslar haqqında maǵlıwmatlar berildi.
Ushırasıw sońında ilaj qatnasıwshıları ózlerin qızıqtırǵan sorawlarına tiyisli taraw qánigelerinen juwaplar aldı hám ózleriniń pikir-usınısların bildirdi.

QR SET hám JSB Málimleme xızmeti
qqses.uz