Қарақалпақстан Республикасы аймағында көплеп ушырасып атырған тери лейшманиоз кеселлигиниң алдын алыӯ бойынша исленип атырған жумыслар шеңберинен

      Ҳǝзирги ўақытлары адамлар арасында шыбын жара деп аталыўшы сөзлерди жийи-жийи еситемиз. Бул жара адам терисин шыбын шағыўы нәтийжесинде пайда болатуғын тери лейшманиозы кеселлиги болып есапланады. Ҳәзирде Қарақалпақстан Республикасы аймағында зооноз тери лейшманиозы кеселлигине қарсы кең көлемдеги жумыслар алып барылмақта. Қарақалпақстан Республикасы санитария-эпидемиология тынышлық ҳәм жәмийет саламатлығы басқармасы ҳәмде Республика Оба профилактика орайы филиалы менен биргеликте «Республика халқы арасында Оба ҳәм лейшманиоз кеселликлери тарқалыўының алдын алыўға қаратылған комплекс ис-иләжлар режеси» ислеп шығылып, ис-иләжға  муўапық, кеселликтиң тәбийий ошақлары бар ҳәм кеселлениў көрсеткишлери  болған аймақлар, сол тийкарда Қоңырат районының Раушан ҳǝм Көк дǝрия АПЖларында Мойнак районы Қазакдарья АПЖларында сондай ақ  район медицина бирлеспеси тери-венерик кеселликлери шыпакерлери, улыӯма ǝмелият шыпакерлери патронаж медицина хызметкерлери арасында санитария ағартыӯ илажлары өткерилди ҳǝм сол аймақлардағы ошақларда районлық санитария-эпидемиология тынышлық ҳәм жәмийет саламатлығы бөлимлериниң дезинфектор қǝнийгелери тǝрепинен зǝҳарли препаратлар менен зǝрерсизлентириӯ жумыслары алып барылды.

      Қарақалпақстан Республикасы Санитария-эпидемиологиялық тынышлық ҳәм жәмийет саламатлығы  басқармасы Мәлимлеме хызмети