QPQ vakcinasınıń profilaktikalıq shanshıw jumısları baslap jiberildi

Búgingi kúnde respublikamız aymaǵında qızılsha keselligi boyınsha epidemiologiyalıq jaǵday qatań qadaǵalawǵa alınǵan. Biraq, bul kesellik tarqalmaydı degen sóz emes. Sebebi, qızılsha keselligine qarsı profilaktikalıq shanshılmaǵan, immuniteti joq insanlar toplanıp qalıwı, keselliktiń sırttan kirip keliwine hám respublikamız aymaǵında keselliktiń tarqalıwına imkaniyat jaratadı.

Keselliktiń aldın alıw maqsetinde emlew profilaktika mákemelerinde xızmet kórsetiwshi medicina qánigeleri keselliktiń klinikası, aldın alıw ilajları boyınsha arnawlı tayarlıqtan ótkerildi. Tiykarınan xalıq arasında qızılsha keselligine qarsı vakcina menen shanshılmaǵan puqaralardı anıqlap, olardı shanshıw, kesellikke gúmanlı jaǵdayda tezde bóleklew, mámleketimiz shegarasında shólkemlestirilgen sanitariya qadaǵalaw punktlerinde qıraǵılıqtı asırıw boyınsha bir qatar ilajlar alıp barılmaqta.

 

Búgingi kúnde qızılsha keselligine qarsı profilaktikalıq shanshıwdı ótkeriw ushın QPQ vakcinasınıń qorı jetkilikli hám jobalı shanshıw jumısları emlew profilaktika mákemelerindegi arnawlı shanshıw xanalarında ótkerilmekte.

 

Ózbekstan Respublikası Milliy shansıw kalendarı tiykarında 1 hám 6 jasta shanshıw ótkeriledi.

 

Qaraqalpaqstan Respublikasına 118 000 doza vakcina alıp kelinip, qala hám rayonlarǵa tarqatıldı. Atap aytqanda, Nókis qalasında 21900 doza qızılshaǵa qarsı vakcina ajıratılıp, barlıq shańaraq poliklinikalarǵa jetkerip berildi.

 

Medicina birlespesine qaraslı 10 shańaraq poliklinika hám Qarataw emlewxana filialı jámi 11 emlew-profilaktika mákemeleri tárepinen qızılshaǵa qarsı shanshıw birinshi náwbette 6 aylıqtan 7 jasqa shekem eki marte emlengen balalardı epid kórsetpe boyınsha balalardı shıpaker kóriginen ótkerip, saw balalar arasında shanshıw jumısları ótkerilmekte.

 

ESLETPE!!!

Húrmetli ata-analar perzentińizdiń qızılsha keselliginen qorǵanıwdıń eń jaqsı hám nátiyjeli jolı bul vakcina mene shanshıw. Balalarıńızdıń QPQ vakcinası menen shanshılıwına biyparıq bolmań!