ORI  HÁM  GRIPP KESELLIKLERI  HAQQÍNDA  NELERDI BILESIZ?

Balalarda ótkir respirator viruslı kesellikler – bul gripp, paragripp, adenovirus, rinovirus penen balalar kóbinese hawanıń suwıp ketiwi, yaǵnıy, báhár, gúz hám qıs máwsimlerinde kóbeyiwi baqlanadı.

Bul kesellikti viruslar shaqıradı, keyinirek bakteriyalarda qosılıwı múmkin.

Ótkir respirator viruslı kesellikler menen balalar jılına bir ret, immun sisteması tómen balalarda bolsa jılına bir neshe ret keselleniwi baqlanadı.

Kesellik 1-5 jasqa deyingi jas balalarda kóbirek ushrasadı.

 

Bul kesellikler  ulıwma 4 belgiler menen keshedi:

 

1). keselliklerdiń hámmesi juqpalı bolıp, olardı viruslar shaqıradı.

2). balaǵa kesellik hawa – tamshı jolı menen juǵadı.

3). birlemshi kesellikte dem alıw jolı aǵzaları (tamaq, murın, bronxlar hám ókpe) zıyanlanadı.

4). keselleniw processi júdá tez boladi hám uzaq dawam etpeydi.

 

Kesellik nawqas baladan, saw balaǵa baylanıs arqalı (jótelgende, túshkirgende hám jaqın aralıqta sóylesiw) ótedi.

 

Keselliktiń keshiwi:

 

  1. Dene ıssılıǵınıń kóteriliwi, dinkeniń bolmawı, ıshteyiniń tómenlewi;
  2. murın pıtıwı, murınnan seroz silekey aǵıwı, dem alıwıdıń qıyınlasıwı;
  3. jótel – baslanıwında qurǵaqlay, 3-4 kúnlerde ıǵal, tós súyektiń arqasındaǵı awrıw menen gúzetiledi.

 

Ótkir respirator viruslı keselliklerdiń ótkir respirator kesellikten (keyingi orınlarda: ÓRVK hám ÓRK dep túsindiriledi) parqı:

  • ÓRKdi bakteriyalar shaqıradı;
  • ol jaǵdayda ısıtpa 38℃ dárejeden joqarı kóterilmeydi;
  • ÓRVKde birinshi orında murınnan silekey aǵıwı, tamaq jollarındaǵı awırıw, ıǵal jótel menen baslanadı.

Keselliktiń profilaktika:

  1. Epidemiya waqtında balanı adamlar kóp jıynalatuǵın orınlardan – magazin, ulıwma jol trasportlarında júriwden, waqtınsha sport dógereklerine qatnasıwdan saqlanıw kerek;
  2. immun sistemasına itibar beriw kerek – tuwrı awqatlanıw hám durıs kútimdi jolǵa qoyıw;
  3. bólme hawasın tez-tez samallatıp turıw, balalarǵa vitaminlerge bay azıq-awqatlardı beriw;
  4. profilaktikanıń eń nátiyjeli usili bul vakcinaciya bolıp tabıladı.

Juqpalı keselliklerge qarsı eń nátiyjelisi hám paydalısı bul vakcina menen shanshıw.

 

Hár jılı keselliktiń aldın alıw maqsetinde máwsim aldınan qáwip toparına kiriwshi kontingentler (medicina xızmetlerleri hám tárbiyashılar hám balalar) biypul shanshıw is-ilajları ámelge asırıladı.

 

QR Sanepidbasqarması Málimleme xızmeti