? Үй шәраятында таярланған консерва өнимлери саўдасына шек қойылды

Усы жылдың 16-январь күни Нөкис дийқан базары аймағында Қарақалпақстан Республикасы Санитария-эпидемиологиялық тынышлық ҳәм жәмийет саламатлығы басқармасының Нөкис қалалық бөлими ҳәмде тийисли шөлкемлер менен биргеликте өткерилген рейд иләжлары даўамында, Нөкис қаласы дийқан базарына тутас көше бойында пуқара Ҳ.Н. тәрепинен сапасы ҳәм қәўипсизлигин тастыйқлаўшы ҳәмде басқа ҳүжжетлерсиз, белгиленбеген орында нызамсыз рәўиште 0,5л сыйымлықтағы банкаларда, үй шәраятында таярланған балық консервасы өниминиң ҳәр банкасын 15 мың сўмнан сатып жүргенлиги анықланды.

Бул жағдай бойынша пуқараға тийисли рәўиште ҳүжжетлер рәсмийлестирилип, балық консервасы өними саўдадан алып тасланды. Пуқара Ҳ.Н ға қарата бул жағдай бойынша қатаң ескертиў берилип, түсиник жумыслары алып барылды.

     Ҳүрметли пуқаралар!
Өзиңиз ҳәмде жақынларыңыздың саламатлығын сақлаў, аўқаттан зәҳәрлениў кеселликлериниң алдын алыўда, сапасын ҳәм қәўипсизлигин тастыйықлаўшы ҳүжжетлери (арнаўлы сертификат, санитария-эпидемиологиялық жуўмақ ҳәм ветеринария мағлыўматы) болмаған азық-аўқат өнимлерин сатып алмаўыңызды ҳәмде қабылламаўыңызды ескертемиз.

 

ҚР Санэпид басқармасы Мәлимлеме хызмети