Qaraqalpaqstan Respublikasında parazitar kesellikler tarqatıwshılarına qarsı gúresiw ilajları ótkerilmekte

  •         Házirgi kúnde adamlar arasında eń keń tarqalǵan keselliklerden biri bul juqpalı parazitar kesellikler bolıp, Qaraqalpaqstan Respublikası aymaǵında  parazitar keselliklerden biri bul teri leyshmaniozı keselligi bolıp sanaladı. Bul keselliktiń adamlar arasında kóplep ushrasıwı biráz qáweterli jaǵdaylardıń birine aylanbaqta.

  •         Keselliktiń aldın alıwdıń birden bir jolı dala kemiriwshilerine qarsi gúresiw ilajların alıp barıw, sonday-aq xalıq jasaytuǵın orınlardı abadanlastırıw ilajları ústinen qadaǵalawdı kúsheyttiriwden ibarat.

  •         Házirgi waqıtta bul kesellikke qarsı, Respublika Oba profilaktika orayı Qaraqalpaqstan filialı menen birgelikte birge islesiwler jolǵa qoyılıp, Ơzbekstan Respublikası Den sawlıqtı saqlaw ministirliginiń tiyisli buyrıq hám kórsetpeleri boyınsha, keselliktiń aldın alıwda hám profilaktikalıq is-ilajlar alıp barıwda yanvar-mart aylarında ǵalabalıq deratizatsiya jumısların ótkeriw kózde tutılǵan,  sonlıqtan, barlıq qala hám rayonlarda úlken qum tıshqanlardıń tiri koloniyalarına qarsı ǵalabalıq deratizaciya jumısları alıp barılmaqta.

 

Qaraqalpaqstan Respublikası Sanitariyaepidemiologiyalıq tınıshlıq hám jámiyet salamatlıǵı Málimleme xızmeti