⚡️ Respublikada vakcinatorlardıń bilimin asırıw boyınsha oqıw seminarları dawam etpekte

 ❇️ Usı jıldıń 2-26-fevral sánesi aralıǵında Qaraqalpaqıstan Respublikası Sanitariya-epidemiologiyalıq tınıshlıq hám jámiyet salamatlıǵı basqarması baslıǵınıń birinshi orınbasarı V.Absattarova hám Á.Dosımbetovlar qatnasında respublikanıń barlıq birlemshi medicina birlespelerinde 2021-jıl 17-iyuldaǵı 0239-07/4-sanlı “Ózbekstan Respublikasında juqpalı keselliklerdiń immunoprofilaktikası” haqqındaǵı sanitariya qaǵıydaları hám normalarında belgilengen ilajlardı orınlaw, shanshıw waqtında qáwipsizlikti támiyinlew hám shanshıw jumıslarına qatnasıwshı qánigelerdiń bilimin asırıw maqsetinde oqıw seminarları ótkerilmekte.

❇️Seminarda shanshıw jumısları menen shuǵıllanıwshı medicina qánigeleriniń bilimin asırıw hám orınlarda aldın ala shanshıw qáwipsizligin támiyinlew, sıpatlı hám sapalı shanshıw jumısların ótkeriwdi támiyinlew hám shashıwdan keyingi reakciyalar hám asqınıwlar bolǵan jaǵdayda medicinalıq baqlawǵa alıw boyınsha oqıw baǵdarlamaları alıp barılmaqta.