Gripp viruslı kesellik bolıp, ol joqarı temperatura, bas awırıwı, jótel hám deneniń ıssılıǵı sıyaqlı kúshli belgilerdi keltirip shıǵarıwı múmkin. Infekciya qáwipin azaytıw hám keselliktiń awır keshiwın minimallastırıw ushın profilaktikalıq ilajlar kóriw zárúr. Grip máwsiminde densawlıqtı saqlawǵa járdem beretuǵın bir neshe usınıslardı kórip shıǵamız:
Vakcinaciya – grippten qorǵawdıń eń nátiyjeli usıllarınan biri. Emlew organizmde virusqa qarsı immunitetti islep shıǵıwǵa járdem beredi, kesellikke ushıraw qáwipin sezilerli dárejede azaytadı hám juqtırılǵan jaǵdayda keselliktiń ótiwin jeńillestiredi.
Qollar gigienası – qollardı sabın menen turaqlı juwiw yamasa spirt tiykarındaǵı antiseptiklerden paydalanıw virustıń pataslanǵan betler menen baylanısıw arqalı juǵıw imkaniyatın azaytıwǵa járdem beredi.
Nawqaslar menen baylanısıwdan saqlanıń – epidemiyalar waqtında gripp belgileri bar adamlar menen tıǵız qatnasıqqa kirmeuge háreket etiń. Eger kontakt bolıwı múmkin bolsa, nıqap taǵıń hám qáwipsiz aralıqta saqlanıń.
Salamat awqatlanıw – vitaminler (ásirese C vitamini), minerallar hám antioksidantlarga bay bolgan teń salmaqlı awqatlanıw immun sistemanı bekkemleydi. Ractionģa kóbirek jańa paliz, miywe hám belokli ónimlerdi kirgiziń.
Uyqı hám dem alıw – uyqı jetispewshiligi immunitetti tómenletedi, sonıń ushın kúnine 7-8 saat uyqılaw zárúr. Bul organizmniń infekciyalarǵa qarsı gúresiwge tayar bolıwına járdem beredi.
Imarattaǵı mikroklimat (optimal ıǵallıq) – qurǵaq hawa murın hám tamaqtıń silekey qabatların viruslarǵa qáwipsiz etedi. Íǵaltqıshlardan paydalanıw, ásirese, ısıtıw máwsiminde bólmede salamat ıǵallıqtı saqlawǵa járdem beredi.
Fizikalıq iskerlik – turaqlı fizikalıq shınıǵıwlar immun sistemasın bekkemleydi hám organizmdi jaqsı tonusta saqlawǵa járdem beredi.
Shamallatıw hám tazalaw – ımaratlardı tez-tez samallatıw hám antiseptikler járdeminde turaqlı tazalaw viruslardıń hawa hám betlerdegi koncentraciyasın azaytıwı, tarqaliw qáwipin azaytıwı múmkin.
Ápiwayı profilaktika ilajları gripp penen keselleniwdiń qáwipin azaytıwǵa hám eger infekciyanıń aldın alıw múmkin bolmasa, onıń ótiwin jeńillestiriwge járdem beredi. Ózińizdi saqlań!
