2019-жыл 15-октябрь күни Республикалық туберкулёзге қарсы гүрес балалар санаториясы мәжлислер залында семинар болып отти.

2019-жыл 15-октябрь күни Республикалық туберкулёзге қарсы гүрес балалар санаториясы мәжлислер залында барлық медицина бирлеспелери баслықлары орынбасарлары, инфекционист шыпакерлер ҳәм эпидемиологлар ушын грипп ҳәм өткир респиратор инфекциялар клиникасы, диагностикасы, емлеў, эпидемияға қарсы ҳәм профилактика илажлары ҳәмде енгизилиўи мүмкин болған шеклеў илажларының мазмуны, әҳмийети, жеке қорғаныў буйымларынан пайдаланыў қағыйдалары темасында семинарлар өткерилди. Семинарға жәми 63 тыңлаўшы қатнасты.

Семинарды ҚР МСЭБО бас врач орынбасары В.Абсаттарова ашып берди ҳәм ӨзР Президентиниң 2018-жыл 18-май күнги “Өзбекистан Республикасында грипп ҳәм басқа өткир респиратор инфекциялардың таркалыўына қарсы гүресиў системасын жәнеде жетилистириў ис-илажлары туўрысында»ғы Қарары ҳаққында айтып өтти.

Буннан кейин Республикалық балалар жуқпалы кеселликлер еслеўханасы қәнийгеси – Н.Абдулина, Республикалық балалар көп тармақлы медицина орайы қанийгеси – З.Бекбаулиева, Республикалық қыстаўлы медициналық жәрдем илмий орайы Нөкис филиалы қәнийгеси – М.Алланиязова, Қарақалпақстан Республикасы Перинатал орайы акушерлик гинеколог шыпакери– Қ.Ўтениязова, Республикалық Мәмлекетлик санитария эпидемиология бақлаў орайы қәнийгеси – Т.Турекешов “Грипп ҳәм өткир респиратор инфекциялар клиникасы, диагностикасы, емлеў, эпидемияға қарсы ҳәм профилактика илажлары ҳәмде енгизилиўи мүмкин болған шеклеў илажларының мазмуны, әҳмийети, жеке қорғаныў буйымларынан пайдаланыў қағыйдалары” темасында шығып баянат қылды.

Семинар жуўмағында қатнасыўшылар тәрепинен берилген сораўларға жуўап қайтарылды ҳәм аймақларда жергиликли емлеў профилактика мекемелери хызметкерлери арасында семинарға қатнасқан  медицина бирлеспелери баслықлары орынбасарлары, инфекционист шыпакерлер ҳәм эпидемиологлар тәрепинен семинарлар даўам еттирилиўи кереклиги айтып өтилди.