Беруний районында аўқаттан зәҳәрлениў жағдайларынын алдын алыу бойынша семинар жыйналыс өткерилди.

Қарақалпақстан Республикасы МСЭБОның 2019-жыл 21-октябрьдағы  № 197-санлы буйрығына тийкар, 2019-жыл 22-октябрь күни Беруний районы МСЭБО киши мәжлислер залында мектепке шекемги билимлендириў мәкемелери, улыўма билим бериў мәкемелери ҳәмде улыўма аўқатланыў кәрханалары қәнийгелери қатнасында семинар-жыйналыс шөлкемлестирилди. Жыйналысты Беруний районлық МСЭБО Бас врачы Х.Ешимбетов ашып берип, Республика аймағында балалар бақшасы, мектеплер ҳәм тойханаларда ушырасып атырған аўқаттан зәҳәрлениў жағдайлары бойынша қысқаша айтып өтти, булар бойынша толық мағлыўмат бериў ушын ҚР МСЭБО Аўқатланыў гигиенасы бөлими санитария врачы Ф.Ажимовқа сөз берилди. Қәнийге өз сөзинде Өзбекстан Республикасы аймағында 2017, 2018 ҳәм           2019-жылдың усы дәўирине шекем дизимге алынған аўқаттан зәҳәрлениў жағдайлары саны бойынша статистика мағлыўматларын жыйналыс қатнасыўшыларына таныстырылып өтти. Аўқаттан зәҳәрлениўге себепши болып атырған жағдайларға азық-аўқатлық затлар, асханалардағы санитария-гигиеналық талаплардың бузылыў жағдайлары, ислеўши хызметкерлердиң медициналық көриктен өтпеслиги себебин бир қанша аўқаттан зәҳәрлениўлерге алып келип атырғанлығы, буларға жол қойған лаўазымлы тәреплерге қарата ҳәкимшилик ҳәтте жынайый жуўапкершиликлер қолланылғанлығы ҳаққында фактлер келтирип өтилди.

Беруний районы аймағында халық арасында аўқаттан зәҳәрлениўдиң алдын алыў бойынша әмелге асырылыўы лазым ис-илажлар, асханаларда әмел етилиўи лазым санитария-гигиена қағыйдалары, ислеўши хызметкерлердиң жеке гигиенасы ҳәм медициналық көриктен өтиўлери лазымлығы түсиндирип өтилди.