Ташкент ахборот технологиялары университети Нөкис филиалында өткерилген семинар жыйналыс ҳаққында

Қарақалпақстан Республикасы Министрлер Кеңеси Баслығы – Пуқаралық қорғаныў баслығының 2019-жыл 19-ноябрьдағы 01-08-13-11-646-санлы «Қарақалпақстан Республикасы Айрықша жағдайларың алдын алыў ҳәм оларды сапластырыў бойынша аймақлық комиссиясы жыйналыс протоколы»на тийкар 2019-жыл 20-ноябрь – 20-декабрь күнлери аралығында «Халықты ҳәм аймақларды айрықша жағдайлардан қорғаў айлығы»н өткериў бойынша ис-илажлар режеси ҳәмде гүз-қыс мәўсиминде жүзеге келиўи мүмкин болған тәбийий ҳәм ис газинен, азық-аўқат өнимлеринен зәҳәрлениў, қутырыў кеселлиги менен жәбирлениў жағдайлары, сондай-ақ өрт ҳәм ҳаўа-газ араласпасы жарылыўы менен байланыслы айрықша жағдайлардың алдын алыў мақсетинде, 2019-жылдың 26-ноябринен баслап барлық Жоқары оқыў орынларында студентлер арасында жүзеге келиўи мүмкин болған айрықша жағдайлардың алдын алыўға қаратылған жыйналыс ҳәм семинар алып барыў бойынша кестесине тийкар, 2019-жыл 26-ноябрь күни Ташкент ахборот технологиялары университети Нөкис филиалында ҚР Айрықша жағдайлар басқармасы қәнийгеси Б.Абдиганиев, Өрт қәўипсизлиги Нөкис қалалық бөлими хызметкери Т.Оразбаев, Саноатгеоконтехназорат қәнийгеси Ш.Қурбанов, Нокис қалалық МСЭБО санитария врачы Х.Жолдасов ҳәм эпидемиолог врачы М.Есенгелдиева, Университет , студент жаслар қатнасты.

Семинар жыйналыс даўамында студент жасларға Республика аймағында қыс мәўсиминде ушырасыўы мүмкин айрықша жағдайлар ҳәм олардың алдын алыў ис-илажлары бойынша мағлыўматлар берип өтилди. Солардан Айрықша жағдайлар басқармасы, Өрт қәўипсизлиги хызмети ҳәм Саноат геоконтехназорат хызмети қәнийгелери тәрепинен суўық мәўсимде ысытыў үскенелеринен натуўры пайдаланыў акыбетинде ийис газинен зәҳәрлениўлер жүз берип атырғанлығы, адамлардың набыт болып атырғанлығы, булардың алдын алыў бойынша ис-илажлар айтып өтилди. Соң Нөкис қалалық МСЭБО сан.врачы Х.Жолдасов қыс мәўсиминде халық арасында аўқаттан зәҳәрлениў, әсиресе «Ботулизм» кеселлигиниң ушырасыў жағдайлары, . Буннан басқа ҚР МСЭБО Эпидемиолог врачы И.Байназаров тәрепинен «Қутырыў» кеселлиги ҳаққында, оның жуғыў жоллары, ақыбетлери ҳәм кеселликтиң алдын алыў бойынша әмел етилиўи лазым жумыслар бойынша жыйналыс қатнасшыларына мағлыўмат берип өтти.

Жыйналыс даўамында көтерилген мәселелер студент жаслар тәрепинен қызғын додаланыўлар жүзеге келип, студент жаслар өзлерин қызықтырған сораўларға қәнийгелер тәрепинен жуўаплар алды.

Қарақалпақстан Республикасы Айрықша жағдайлар басқармасының кестесине тийкар басқа жоқары оқыў орынларында да даўам еттирилмекте.