КОРОНАВИРУС! Жәмәәтшилик орынларда ҳәм автотранспорларда дезинфекция иләжлари әмелге асырылды

Дунъя жүздик денсаўлықты сақлаў шөлкеминиң мағылўматына көре, Қытай халық республикасында жаңа типтеги коронавирус кеселлиги эпидемик түс алған, усы жылдың 19 феврал күнине 75 мыңнан аслам жағдайда коронавирус кеселлигин жуқтырып алған пуқаралар дизимге алынған ҳәм 2000 нан аслам адам набыт болған. Мәмлекетимизде коронавирус инфекциясы ҳәм мәўсимли жуқпалы кеселликлер бойынша эпидемиологик турақлылықты тәмийинлеў бойынша усы жылдың 15-16 февраль күнлери Нөкис қаласы ҳәм барлық районлардағы халыққа хызмет көрсетип атырған халық көп топланыўшы орынларда, районлар ара ҳәм ишки жөнелистеги автотранспортларда, мәмлекет шегараларында жайласқан шегара постларынан өткен автотранспортларда дезинфекциялаў жумыслары алып барылды.        Дезинфекциялаў жумысларында аймақлық санитария-эпидемиологиялық тынышлық орайы хызметкерлери тәрепинен әмелге асырылды, сол менен бирге автотранспорт жүргизиўшилерине коронавирус ҳәм мәўсимли кеселликлердиң жуғыў жоллары, алдын алыў иләжлери ҳаққында түсиник берилди. Сол менен бирге, Республикамыз аймағында жайласқан жоқары оқыў орынларында, кәсип өнер колледжлеринде, академиялық лицейлерде, орта мектеплерде, мәкеме ҳәм шөлкемлерде лекциялар шөлкемлестирилип кеселликтиң алдын алыў бойыншга кеңнен түсиндириў жумыслары алып барылмақта. Кеселликтиң алдын алыў бойынша профилактик иләжлер даўам етпекте.