Búgin, 15-aprel kúni SET hám JSB Virusologıya hám Bakteriologıya labarotorıyalarında Koreyalı qánigeler menen ushrasıw bolıp ótti.
Ushrasıwdan maqset, mámleketimizdegi Koreya xalıqaralıq shólkemi (KOICA) tárepinen ‘’Ózbekstanda kesellikler júgin kemeytiw ushın juqpalı keselliklerge qarsı gúresiw nátiyjeliligin kúsheytiw” joybarı boyınsha ámelge asırılıp atırılǵan ilajlar, joybardıń tıykarǵı baǵdarları, juqpalı keselliklerdi qadaǵalaw sistemasın basqarıw hám instituacional konsalting járdeminde xalıqaralıq medicinalıq-sanitariya qaǵıydaların jetilistiriwdi bekkemlew, epidemiologıyalIq tekseriwlerdiń sapalılıǵın asırıw,sonday-aq, labaratorıya informacıyalıq sisteması hám sapa qadaǵalawı sistemasın jaratıw arqalı labaratorıya analiziniń anıqlıǵın asıratuǵın joybardı keńeytiw hám en jáydırıw bolıp esaplanadı.
Ilajda dawamında joybar basqarıwı boyınsha konsalting toparı wákili In Jeong Min hám Mega-IT kompanıyası qánigesi Kim Seon Molar labaratorıyalardıń imkanıyatları hám texnikalıq támiynatı, sonday-aq, labaratorıyanı keńeytiw boyınsha usınıslar menen tanıstı.