Эндоскоп – бу оптик асбоб бўлиб,  одам ички аъзоларини кўришга мўлжалланган. Эндоскоплар ёрдамида  диагностик ва даволаш ишлари олиб борилади. Эндоскоплар (Бронхоскопия, цистоскопия, ректоманоскопия, колоноскопия, лапароскопия, торакоскопия, эзофагогастродуоденоскопия) қаттиқ ва эгилувчан (гибкий) эндоскопларга  бўлинади.

Эндоскопик муолажа турлари ностерил ва стерил эндоскопик муолажалар бўлиб бўлинади.

• Ностерил эндоскопик муолажалар Эндоскопларни органга табиий йўллар орқали киритилишига айтилади (буларга ошқозон ичак тизими, нафас йўллари ва б.)
• Стерил эндоскопик муолажалар Эндоскопларни тери  ва шиллиқ қаватлар бутунлигини бузилиши билан орган ва тўқималарга кирилади.

Эндоскопия жараёнида тиббий ускуна беморнинг шиллиқ қаватларига тегиб ўтади ва муолажадан сўнг нотўғри ва сифатсиз  ишлов берилганда касаллик тарқатувчи микроорганизмлар  ташувчисига айланиши мумкин. Эндоскопия  муолажаларида  шифохона ичи инфекцияси юқишини бартараф  этиш ҳар бир ўтказилган текширувдан сўнг эндоскоплар ва унинг таркибий қисмлари тозаланиши, дезинфекция ва стерилизация қилиниши керак.

Стерил бўлмаган аралашувлар учун эндоскоплар ва уларга тегишли асбоблар (клапанлар, қопқоқлар, қалпоқчалар) бевосита ишлатилганидан сўнг қуйидаги кетма-кетликда ювилади:

•  -дастлабки тозалаш;
• – якуний тозаланади (дезинфекция билан биргаликдаги якуний тозалаш);
• – юқори даражада дезинфекция қилинади;
• – қайта контаминацияланишни мустасно қилувчи шароитларда сақланади.

Стерил эндоскопик аралашувлар учун эндоскопик асбоб-ускуна ишлатилишидан олдин

•  -дастлабки тозаланади;
• – стерилизациядан олдин тозаланади, ҳамда дезинфекция қилинади;
• – стерилизация қилинади;
• – қайта контаминацияланишни мустасно қилувчи шароитларда сақланади.

Эндоскоплар стерил матоли ғилофда сақланиши муддати 72 соатдан ошмаслиги керак. Кўрсатилган муддатдан сўнг эндоскоп қайта ЮДД қилинади.

ҚР СЭОваЖСБ Дезинфекция бўлими мудири Г.Сейтбаева